Wikang Filipino: Mukha at Kaluluwa ng Lahing Pilipino

Posted: June 19, 2013 in Uncategorized
Tags: , , , , , ,

Gaano kahalaga ang wika para sa atin? Sa paanong paraan naipapaloob sa wika ang ating pananaw sa buhay? sa ating kultura?

Napakahalaga ng wikang Filipino sa atin sapagkat napakalaki ng papel na maaaring gampanan nito upang mapanatili ang isang pambansang kamulatan at pagkakakilanlan. Sa panahon ngayon ng globalisasyon, malungkot mang isipin, unti-unting namamatay ang kultura ng mga mahihirap na bansa na katulad ng Pilipinas dahil nilalamon ito ng mayayamang bansa. Walang masama sa globalisasyon, ngunit bago sana tayo lubusang lumahok dito ay dapat muna nating tiyakin na matatag na ang pundasyon ng Wikang Filipino, na tunay ngang nag-ugat na ito sa puso at diwa natin, dahil ito ang magsisilbing mukha at kaluluwa natin sa mundo.

Samantala, ang ating mga matatandang salawikain at kasabihan naman ang magpapatunay na maaring maipaloob sa wika ang ating mga pananaw sa buhay bilang isang bansa. Naipasa ang mga ito ng ating mga ninuno sa atin sa paraang pasalita, ngunit sa ngayon ito ay maari na nating maipasa sa mga susunod pang henerasyon ng mga Pilipino gamit ang mas maraming midyum, katulad ng internet at mga aklat. Isang klasikong halimbawa ay ang pagiging masayahin daw nating mga Pilipino sa gitna ng mga suliraning pinagdadaanan natin. Ang positibong pananaw na ito sa buhay (ngunit minsa’y naabuso din) ay nagmula umano sa paniniwala ng ating mga ninuno kay Bathala. Ito marahil ang dahilan kung bakit naging bukambibig natin ang mga katagang “bahala na” (nagmula umano sa mga salitang “si Bathala na” o sa ibang sabi ay “ipagpasa-Diyos”) sa tuwing humaharap tayo sa mga mabibigat na suliranin.

Gayundin naman, ang katunayan na maaring maipalooob sa wika ang ating kultura ay ang mga salita o konsepto na tanging sa wika lang natin matatagpuan. Isang klasikong halimbawa nito ay ang salitang “pasma” na tumutukoy sa isang “folk illness” sa Pilipinas na walang direktang katumbas sa Ingles at Kastila. Isa pang halimbawa ay ang mga pandiwang dala, pasan, bitbit, kimkim, pangko, kalong, sukbit, sunong at kipkip na pawang “carry” ang katumbas sa Ingles ngunit tunay na iba-iba ang kahulugan sa ating wika. Ang mga pandiwang ito ay nagpapapatunay lamang na masipag ang ating mga ninuno, hindi totoo ang bintang ng mga Kastila na sila ay mga tamad.

Tunay ngang ang wikang Filipino ang mukha at kaluluwa ng ating lahi.

Comments
  1. charry mahusay says:

    ja ja jaq

  2. Anonymous says:

    tama

  3. Anonymous says:

    sino nagsulat niyan tamang tama

Anong say mo?

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s